Ég bókstaflega flaut brjóstahaldaralaus, segir Pamela

Fertuga kynbomban Pamela Anderson, sem tók nýverið saman við Tommy Lee, heldur því fram að þrýstni silikonfyllti barmur hennar er lykillinn að frægð hennar og frama.

Í samtali við þá Justin Lee Collins og Alan Carr í breska sjónvarpsþættinum The Sunday Night Project í gærkvöldi sagði Pamela orðrétt: „Ég var ekki í brjóstahaldara í áheyrnarprófinu fyrir Strandverði og það er sannleikurinn."

„Við vorum beðnar um að vera í sundbolum og ég bókstaflega flaut. Okkur var síðan gert að hlaupa hægt, synda hægt og svo brosa."