Knightley segir Björk vera fyrirmynd

Leikkonan Keira Knightley segir í viðtali við dagblaðið Daily Express í dag að söngkonan Björk Guðmundsdóttir sé ein af hennar helstu fyrirmyndum þegar kemur að tísku og stíl.

Knightley, sem er 22 ára gömul, hefur áður sagt að henni leiðist að klæða sig upp fyrir rauða dregillinn. En í viðtalinu við Daily Express segir hún að hún dáist að fatasmekk íslensku söngkonunnar.

"Ég er ekki enn orðin nógu sjálfsörugg þegar kemur að klæðaburði enda ekki búin að vera lengi í sviðsljósinu sem einhvers konar tískufyrirmynd. En ég elskaði svanakjólin sem Björk klæddist á óskarsverðlaununum hér um árið. Ég vildi óska þess að ég hefði sjálfsöryggi til að gera það sama," segir Knightley í viðtalinu.