Ryan Seacrest að slá sér upp

Idolkynnirinn síkáti Ryan Seacrest mun vera að hitta stúlku þessa dagana. Sú heitir Holly Huddleston og er ein af stjörnum E! sjónvarssöðvarinnar í raunveruleikaþættinum, Sunset Tan.

Það er In Touch Weekly sem segir frá sambandinu en þau munu hafa verið að hittast í nokkra mánuði. Ryan er sagður vilja fara leynt með sambandið en Holly hefur ítrekað sést baksviðs á upptökum Idolsins.

Ryan sem hefur einnig verið með þætti á E! kynntist Holly í gegnum þá vinnu. Lengi hefur verið orðrómur uppi um að Ryan sé hommi en hann virðist slá á þær sögur með því að flagga hinni eldheitu Holly Huddlestone.