Ríkisstjóri New York gripinn með lúxusmellu

Ríkisstjórinn í New York berst nú fyrir pólitísku lífi sínu eftir að hann var gripinn með lúxusmellu á hóteli í Washington í síðasta mánuði.

Ríkisstjórinn og demókratinn Eliot Spitzer mun héðan í frá ganga undir nafninu Kúnni númer níu. Það var alríkislögreglan FBI sem greip hann glóðvolgann með lúxusmellunni á hóteli í Washington í síðasta mánuði.

FBI var að rannsaka starfsemi alþjóðlegs vændishrings sem gekk undir nafninu Emperors Club. Aðeins hinir ríku og þekktu höfðu aðgang að klúbbnum enda kostaði klukkutíminn hjá mellunum frá 4.000 dollurum og uppúr. Í klúbbnum hafði Spitzer dulnefnið Kúnni númer níu.

Málið er sérlega neyðarleg fyrir Spitzer því þegar hann var kjörinn ríkisstjóri árið 2006 hafði hann lagt mikla áherslu á hann myndi berjast gegn vændi í borginni. Á upptökum sem FBI hefur af fundi Spitzers og mellunnar kemur greinilega fram að þetta var ekki í fyrsta sinn sem hann nýtti sér þjónustu Emperors Club.

Fyrir utan baráttu sín gegn vændi var Sptizer einnig þekktur sem fógetinn af Wall Street eftir að hann upprætti ýmsa fjármálaspillingu þar. Hann var talinn eigfa bjarta framtíð í stjórnmálum vestanhafs og þótti meðal annars álitlegt forsetaefni Demókrata í framtíðinni.

Spitzer hefur beðist afsökunnar á athæfi sínu en hefur að öðru leyti ekki svarað spurningum um málið.