Paris sagði rass Kardashian ógeðslegan

Paris Hilton hefur beðið Kim Kardashian innilega afsökunar fyrir að hafa kallað heimsfrægan rass æskuvinkonu sinnar ógeðslegan. Paris var í útvarpsviðtali á mánudagsmorgun spurð að því hvort hana langaði ekki í stóran og myndarlegan rass eins og Kardashian státaði af. Hún hélt ekki, og sagði afturenda af þessari stærð vera ógeðslega. Til að vera alveg viss um að ekkert misskildist bætti hún við: „Þetta er viðbjóðslegt.... Minnir mig á kotasælu í hvítum plastpoka."

Þegar slúðurpenninn Perez Hilton setti bút úr viðtalinu á heimasíðuna sína áttaði hótelerfinginn sig á því að ummælin væru kannski ekki smekkleg. Hún hafði því samband við Kim og baðst afsökunar.