Ólafur F. betlar nammi í Garðabæ

Í dag er öskudagur. Flest börn landsins hafa því klætt sig í grímubúning og sungið fyrir landsmenn eins og venja er. Misjafnt er hvað börnin vilja vera á öskudaginn.

Hér áður fyrr voru það hetjur eins og Spiderman, Superman og litlar sætar prinsessur sem réðu ríkjum á öskudaginn. Nú virðast hins vegar borgarmálin vera í miklu uppáhaldi hjá ungu kynslóðinni.

Einhver börn virðast hafa fundið tengingu inn í ráðhúsið. Frést hefur af ungum manni með hnífasett í bakinu og svo þessi ungi herra sem tók ekkert aukalega fyrir að klæða sig upp sem Ólafur F. Magnússon, borgarstjóri Reykvíkinga.