Jeremy Clarkson kemur til landsins á morgun

Jeremy Clarkson einn umsjónarmanna þáttarins, Top Gear, kemur til landsins á morgun. Verður hann viðstaddur sérstaka forsýningu á Top Gear þætti í Laugarásbíó annað kvöld.

Top Gear er einn vinsælasti bílaþáttur síðari ári og hefur verið í miklu uppáhaldi hjá íslenskum bílaáhugamönnum í gegnum tíðina.

Umræddur þáttur fjallar um ferð þáttastjórnendanna á norðurpólinn en sú ferð var farin á jeppum sem breyttir voru af íslenska fyrirtækinu Arctic Trucks.

Clarkson er hér á vegum fyrirtækisins en mikil eftirvænting er eftir komu þessa vinsæla sjónvarpsmanns. Umræddur þáttur verður síðan sýndur á Skjá einum þann 10.febrúar.