Angelina kasólétt í þröngum kjól

Angelina Jolie tók af allan vafa um það að hún væri með barni á laugardaginn þegar hún mætti á Independent Spirit kvikmyndaverðlaunin í þröngum svörtum kjól.

Þrátt fyrir þrálátan orðróm hafa Brangelina þverneitað að tjá sig um meinta óléttu Angelinu. Þau voru þó ekki mikið að hafa fyrir því að fela kúluna á laugardaginn. Þegar slúðurpressan vestanhafs leitaði viðbragða talsmanna parsins við myndunum neituðu þeir þó enn að tjá sig.

Ofurparið á fyrir fjögur börn, þar af þrjú ættleidd.