Elizabeth Hurley reið og sár - myndir

Fyrirsætan Elizabeth Hurley, sem er gift milljarðamæringnum Arun Nayar, blótaði ljósmyndurum sem mynduðu hana í London, í sand og ösku með tilheyrandi fingramáli eins og myndirnar sýna.

Hurley er reið og sár þessa dagana enda er ekki farið fögrum orðum um hana í erlendu pressunni. Nýverið var hætt við fyrirtöku á máli stúlku sem vann fyrir Hurley og ríka eiginmann hennar. Stúlkan, sem heitir Violet, hélt því fram að hjónin hafi aðeins greitt sér tæpar 200 krónur á tímann og leitaði því réttar síns.

Hurley og Nayar borguðu stúlkunni himinháa fjárhæð fyrir að hætta við málshöfðunina og með því skilyrði að hún tjáði sig ekki opinberlega um málið.