United að greiða metfé fyrir Tevez?

The Sun heldur því fram að Manchester United hafi samþykkt að greiða 32 milljónir punda fyrir argentínska sóknarmanninn Carlos Tevez. Leikmaðurinn hefur verið á lánssamningi síðan í ágúst í fyrra.

Ef satt er þá er um að ræða hæstu upphæð sem greidd hefur verið fyrir leikmann á Bretlandi. Chelsea á núverandi met þegar félagið borgaði 30,6 milljónir punda fyrir Andriy Shevchenko.

Ekki er komið í ljóst hvort United þurfi að greiða fyrir Tevez strax eða gera það næsta sumar. Tevez er í eigu fjárfestingarfyrirtækisins MSI. Hann hjálpaði United að vinna tvennuna á síðasta tímabili og skoraði mörg mikilvæg mörk.

Fimm stærstu kaup breskra liða:

Carlos Teves, MSI - Manchester United, 32 milljónir punda?

Andriy Shevchenko, AC Milan - Chelsea, 30,6 milljónir punda

Rio Ferdinand, Leeds - Manchester United, 29,1 milljón punda

Juan Veron, Lazio - Manchester United, 28 milljónir punda

Wayne Rooney, Everton - Manchester United, 27 milljónir punda