Sandra Bullock slapp ómeidd úr hörðum árekstri

Kvikmyndaleikkonan Sandra Bullock og eiginmaður hennar, mótorhjólatöffarinn Jesse James, sluppu ómeidd úr hörðum árekstri í gærkvöldi. Hjónakornin voru að snúa heim af tökustað kvikmyndar sem Bullock leikur í þegar Subaru bíll fór yfir á vitlausan vegarhelming og keyrði á fullri ferð framan á jeppann sem parið var í.

Konan sem keyrði hinn bílinn slapp einnig ómeidd úr árekstrinum en hún var ofurölvi, eftir því sem lögregla í Gloucester sýslu í Massachusetts segir. Hún var látin blása og í ljós kom að áfengismagn í blóði hennar var mörgum prómillum yfir leyfilegt magn.