Fágætt tækifæri til að sitja í leðursætum Jacksons

Rolls Royce Michaels Jacksons getur orðið þinn fyrir spottprís, hundrað tuttugu og fimm þúsund dollara, eða rétt tæpar 8,4 milljónir.

Rollsinn er til sölu á eBay. Hann er árgerð 1975, og var í eigu poppkóngsins í tíu ár. Bíllinn er af Cornich Turbo "Fixed Head" Coupe gerð, svartur með ljósbrúnum leðursætum. Að sögn seljanda hefur alla tíð verið farið vel með bílinn, og er hann meira að segja með sama leðrið á sætunum og Jackson sat á á meðan hann var ennþá svartur.

Nýlega var fjöldi muna, þar á meðal kynlífshjálpartæki og málverk af nöktum drengjum, sem höfðu verið í eigu Jackson seldir á uppboði fyrir svimandi fjárhæðir.