Fráleitt að Vilhjálmur segi af sér sem borgarfulltrúi

Illugi Gunnarsson, þingmaður Sjálfstæðisflokksins, segist telja það vera algerlega fráleitt að Vilhjálmur Þ. Vilhjálmsson segi af sér sem borgarfulltrúi. Hann vill þó ekki segja til um hvort hann styðji hann í embætti borgarstjóra. „Það er ákvörðun sem borgarstjórnarflokkurinn verður að taka," sagði Illugi í Silfri Egils í dag. Hann bendir á að umboðið til að ákveða hver verði næsti borgarstjóri liggi hjá borgarfulltrúum Sjálfstæðisflokksins. Illugi sagði engan vafa leika á því að Sjálfstæðisflokkurinn hefði skaðast af REI málinu og eftirmálum þess. Skaðinn þyrfti þó ekki að vara til langs tíma ef skjótt yrði brugðist við aðstæðum.