Cheryl Cole ein sú kynþokkafyllsta í heimi

Cheryl Cole, eiginkona Ashley Coles knattspyrnumanns, er vel á veg kominn með að vera valin kynþokkafyllsta kona í heimi. Cheryl hefur fengið býsna mikla samúð að undanförnu eftir að fréttir bárust af því að eiginmaður hennar hefði haldið framhjá henni. Þúsundir karlkyns aðdáenda hafa greitt henni atkvæði til að tryggja henni öruggt sæti á lista FHM yfir 100 kynþokkafyllstu konur í heimi.

Hin 24 ára gamla Cheryl endaði í sjöunda sæti á lista FHM í fyrra en er nú í kringum 5. sæti. Í efstu sæti listans raða sér nýja Bond stúlkan, Olga Kurylenko, Heroes stjarnan Hayden Panettiere og Jessica Alba, en hún hafnaði í efsta sæti listans í fyrra.