„Eiginkona“ Eddie Murphy vildi ekki kaupmála

Eddie Murphy skildi við eiginkonu sína til tveggja vikna vegna þess að hún vildi ekki skrifa undir kaupmála, að sögn fjölmiðla vestanhafs. Murphy, sem er vellauðugur, „giftist" kvikmyndaframleiðandanum Tracey Edmonds á lítilli Kyrrahafseyju á nýarsdag.

Athöfnin var þó ekki lögformleg gifting, og parið hætti við að ganga löglega frá hjúskapnum skömmu eftir heimkomuna. Heimildamenn New York Post sögðu að sambandið hefði staðið veikum fótum vegna peningadeilna skötuhjúanna, þar sem Tracey vildi ekki skrifa undir kaupmálann sem Murphy heimtaði.