Britney skiptir út paparassavinum

Britney Spears hefur losað sig við Paparassavin sinn Adnan Ghalib, og samkvæmt heimildum meira að segja sótt um nálgunarbann á hann. Söngkonan mun vera æfareið yfir því að Adnan hafi haft hana að féþúfu, en hann mun hafa verið duglegur að selja myndir af þeim saman. Talið er að myndir af parinu hafa rakað inn 65 milljónum króna, og hefur Ghalib hirt stóran hluta ágóðans.

Britney var þó ekki lengi að jafna sig, en aðfaranótt sunnudags bauð hún tveimur nýjum paparössum heim til sín til að ræða lífsins gagn og nauðsynjar.