Spielberg hættir við listræna stjórnun Ólympíuleikanna

Bandaríski kvikmyndaleikstjórinn Steven Spielberg hefur hætt við að taka að sér listræna stjórnun Ólympíuleikanna í Peking á þessu ári. Í tilkynningu frá leikstjóranum sakar hann yfirvöld í Kína um að beita Súdan ekki nægilegum þrýstingi til að binda endi á þjáningu fólks í Darfur héraði.

Að minnsta kosti 200 þúsund manns hafa verið myrtir og tvær milljónir flúið heimili sín á fimm ára tímabili.

Yfirvöld í Peking hafa ekki svarað uppsögn Spielberg en fréttaskýrendur segja að hún sé fyrsta stóra áfallið fyrir ólympíuleikana í Kína.