Ætlar að eyða meiri tíma með nýfæddum syni

„Það er ekki búið að ganga frá neinu og ég er ennþá starfsmaður Kastljóssins," segir Jóhanna Vilhjálmsdóttir en fréttir bárust af því í gær að hún væri hætt sem einn af umsjónarmönnum þáttarins.

„Hún hætti af persónulegum ástæðum og ég hef í sjálfu sér engu við það að bæta," sagði Þórhallur Gunnarsson ristjóri Kastljóss við Fréttablaðið í morgun.

Jóhanna sem nýlega eignaðist son segist hafa hug á því að eyða meiri tíma með nýfæddum syni sínum. „Það kemur bara í ljós hvað verður síðar meir og það eru engin leiðindi í kringum þetta. Það eru allir vinir," segir Jóhanna að lokum.