Bush varar við frumvarpi um hleranir

George Bush forseti Bandaríkjanna hefur sagt bandaríska þinginu að hann muni ekki samþykkja annað tímabundið frumvarp sem leyfi að grunaðir hryðjuverkamenn séu hleraðir án dómsúrskurðar. Hann varaði þingið við að samþykkja varanlegt frumvarp þess efnis sem myndi auk þess gera undanþágur símafyrirtækja afturvirkar.

Bush sagði fréttamönnum í Washington að tími umræðna væri liðinn; „Ég mun ekki samþykkja neinar tímabundnar framlengingar."

Núverandi löggjöf var framlengd í ágúst og rennur út á laugardag.