Brjóstin þvælast fyrir Dolly Parton

Kántrísöngkonan brjóstgóða, Dolly Parton, þarf að fresta fyrirætlaðri tónleikaferð sinni vegna vændræða með barminn.

Parton hugðist hefja þrettán tónleika ferðalag sitt um Bandaríkin í lok mánaðarins. Brjóstin, í augnablikinu í stærð 40DD, setja þó strik í reikninginn. Söngkonan þjáist af slæmum bakverkjum og hafa læknar því ráðlagt henni að hvílast í sex til átta vikur.

,,Reyndu að burðast með þessa hvolpa í nokkrar vikur og sjáðu hvort þú færð ekki í bakið" var haft eftir Dolly. Hún bætti þó við að hún yrði stálslegin innan nokkurra vikna, og gæti ekki beðið eftir því að hefja ferðalagið.