Nicholas Cage kannast ekki við að hafa stolið hundi

Nicholas Cage hefur kært Kathleen Turner í Bretlandi fyrir meiðyrði. Turner, sem lék með Cage í Peggy Sue Got Married, skrifar í nýrri ævisögu sinni að leikarinn hafi keyrt fullur og stolið chihuahua hundi.

,,Hann olli endalausum vandræðum. Hann var handtekinn tvisvar fyrir ölvunarakstur og að mig minnir einu sinni fyrir að stela hundi. Hann hafði séð chihuahua sem honum fannst sætur og stakk honum í vasann." skrifar Turner í ævisögunni, Send Yourself Roses.

Cage var ekki skemmt og sendi í síðasta mánuði frá sér yfirlýsingu þar sem hann segist aldrei á ævinni hafa verið handtekinn fyrir nokkurn skapaðann hlut. Þaðan af síður hafi hann stolið hundi.

Lögfræðingur Cage sagði við New York Daily News, að ef Turner drægi rógburðinn ekki til baka færi hann í mál í Bandaríkjunum líka.