Tíu af tíu mögulegum

Nýútkominn diskur með flutningi Sinfóníuhljómsveitar Íslands, Schola Cantorum og einsöngvara á óratóríunni Eddu I eftir Jón Leifs fær fullt hús stiga í umsögn gagnrýnenda tónlistarvefsins Classics Today.

Kór og söngvarar fá sérstakt hrós, enda bendir gagnrýnandinn á að sönghlutar verksins séu nánast óflytjandi. Hann telur verkið eitt það allra áheyrilegasta af verkum Jóns, fjölbreytt og litríkt og einungis tungumálið standi í vegi fyrir að það nái útbreiðslu á efnisskrám hljómsveita heimsins. Hann hrósar einnig upptöku og hljóðvinnslu tæknimanna BIS-útgáfunnar og kallar útgáfuna "stórviðburð".