Handtekinn í New York

Bandaríski rapparinn Busta Rhymes hefur verið handtekinn grunaður um að hafa ekið undir áhrifum áfengis í New York. Rhymes, sem heitir réttu nafni Trevor Smith, var handtekinn á bíl sínum skömmu eftir miðnætti.

Rapparinn virðist eiga erfitt með að halda sig réttum megin laganna því hann þarf að mæta fyrir rétti í næstu viku vegna tveggja annarra ákæra. Annars vegar fyrir að ráðast á ökumann sinn og hins vegar fyrir að ráðast á aðdáanda sinn sem á að hafa hrækt á bíl hans á síðasta ári. Í febrúar síðastliðnum var hann síðan handtekinn fyrir að hafa ekið um með útrunnið ökuskírteini.