Sean Connery er feitt, gamalt skrímsli, segir nágranni

Kynþokkafyllsti eldri borgari í heimi, Sean Connery, á í harðvítugum deilum við nágranna sinn. Svo mjög að dómari í máli sem nágranninn höfðaði gegn Bondinum, sá sig knúinn til að skipa málsaðilum að hegða sér eins og fullorðið fólk.

Málið snýst um langdrengnar endurbætur sem Connery er að gera á þaki húss síns í Manhattan. Nágranni hans, Burton Sultan, segir að endurbæturnar hafi valdið sér miklu ónæði. Hávæðinn frá framkvæmdunum sé óbærilegur og eiturgufur, lekar og rottufaraldur séu meðal þess sem hann hefur mátt þola. Connery segir hinsvegar að kvartanir Sultans hafi leitt til tafa á framkvæmdunum og þar með aukið kostnað og stofnað sér og sínum í hættu.

Í úrskurði sínum í gær skammaði hæstarréttardómarinn Marcy Friedman mennina báða fyrir ósæmilegar árasir á hvorn annan. Hún vísaði frá flestum kröfum Sultans, og bannaði deilendum að sækja nokkur önnur mál án síns samþykkis.

Í einu af fjölda mála milli nágrannanna kallaði Sultan Connery ,,dónalegan feitan gamlan mann", og ,,skrímsli" sem spilaði háværa tónlist allan sólarhringinn.