Á engin málverk eftir sjálfan sig

Um tveggja ára biðlisti er eftir olíumálverkum listmálarans Eggerts Péturssonar, sem vakið hefur mikla athygli fyrir blómamyndir sínar undanfarin ár. Tvær sýningar á verkum hans voru haldnar hér á landi á árinu og vöktu báðar mikla athygli, annars vegar yfirlitssýning á Kjarvalsstöðum og hins vegar sýning í galleríi I8.

Sjálfur á listmálarinn engar olíumyndir eftir sjálfan sig frá síðustu tveimur áratugum, slík er eftirspurnin. Þetta kemur fram í útvarpsþætti Jónasar Ragnarssonar og Ragnars Jónassonar um feril listmálarans sem fluttur verður á Rás 1 laugardaginn 29. desember.