Jessica Alba trúlofast

Jessica Alba hefur trúlofast kærasta sínum og verðandi barnsföður, Cash Warren. Um jólin sást glitta í rixavaxinn demantshring á fingri Jessicu, og fór orðrómur þá af stað um að parið ætlaði að láta pússa sig saman.

Fyrr í mánuðinum tilkynnti parið að þau ættu von á barni. Barnið virðist hafa haft jákvæð áhrif á parið, en þau hættu saman fyrr í sumar vegna þess að Jessica vildi gifta sig, en Cash ekki.

Parið hefur verið saman frá árinu 2004, en þau kynntust við tökur á myndinni The Fantastic Four, þar sem Cash var aðstoðarleikstjóri.