Mel B tók rúma milljón fyrir að syngja fyrir dauðvona börn

Kryddpían Mel B þykir hafa sýnt ótrúlega græðgi nú í jólavikunni þegar í ljós kom að hún hefði þegið rúmlega milljón kr. fyrir að syngja nokkur lög fyrir dauðvona börn.

Um var að ræða góðgerðarsamkomu á vegum samtakanna Make a Wish Foundation en þau mynda aðstandendur barna með ólæknandi sjúkdóma. Venjulega taka listamenn ekkert fyrir að koma fram á svona samkomum en Mel B krafðist þess að fá 10.000 pund eða rúmlega 1.200 þúsund kr. fyrir að koma fram.

Samkoma þessi var haldin í Selfridges í London. Mel B söng þar tvo jólasöngva og gaf nokkrar eiginhandaráritanir. Einn þeirra sem stóð fyrir þessari samkomu er mjög svekktur með framkomu Mel. Sá segir í samtali við News of the World að margir hefðu talið rétt af söngkonunni að koma fram án borgunnar enda er hún ekki á flæðiskeri stödd fjárhagslega.