Bubbi með jólaplötu í smíðum

Hinn eini og sanni Bubbi Morthens vinnur nú að gerð jólaplötu en hann segir í samtali við Vísi að slík plata hafi verið á dagskrá hjá honum um töluvert skeið.

"Þetta verða frumsamin lög á þessari plötu og ég er með tvö þeirra tilbúin í augnablikinu," segir Bubbi. Hann reiknar ekki með að platan sjái dagsins ljós fyrr en í fyrsta lagi fyrir jólin á næsta ári.

"Ég hef lengi pælt í því að gera jólaplötu og nú er kannski tími til kominn," segir Bubbi kom fram í þætti Loga Bergmanns á Stöð 2 í gær og upplýsti þá þjóðina um væntanlega jólaplötu.

Hann reiknar með að jólin í ár verði prýðileg fyrir landsmenn en sjálfur mun hann halda jól á hefðbundin hátt með fjölskyldu sinni.