Cohen kveður Ali G og Borat

Leikarinn Sacha Baron Cohen hefur ákveðið að kveðja persónur sínar Ali G og Borat að fullu. Segir Cohen að hann muni ekki lengur bregða sér í hlutverk þeirra.

"Þegar ég var Ali G og Borat var ég stundum 14 tíma á dag í hlutverkum þeirra og ég elskaði þá báða," segir Cohen um ákvörðun sína. "Svo mér þykir það leitt að viðurkenna að ég muni ekki leika þá framar."

Cohen segir að það sé álíka að kveðja þessar þekktu persónur og það er að kveðja sína heittelskuðu. "Ég átti ekki von á að ná svona miklum vinsældum með þessar persónur. Mun meiri vinsældum en mig dreymdi nokkurn tíman um."