Posh fær fokdýra bók í jólagjöf

Victoria Beckham sagði árið 2005 að hún hefði aldrei á ævinni lesið bók, en nú gæti orðið breyting þar á. Eiginmaðurinn keypti bók í jólapakkann hjá Posh, og eins ólíklega og það hljómar eru það ekki heildarverk Shakespeare.

David keypti áritaða sérútgáfu bókar um ævi og störf fatahönnuðarins Valentino. Hún er ein tvöþúsund eintaka af bókinni ,,Valentino Garavani: First Name in Fashion", sem inniheldur myndir frá ferli Valentino, ásamt umsögnum tískuskríbenta. Hver bók er bundin inn í tau, og kemur í fallegu rauðu silkiboxi. Hún er ekki ókeypis heldur, en hún kostar rétt rúmar 95 þúsund krónur.

,,Þetta verður ágætis klósettlesning fyrir Victoriu" sagði góðvinur hjónanna við Sun dagblaðið.