Sylvía og Martin vilja fara með þér út að borða – Fyrir 45 þúsund kall

"Við erum hágæða fylgdarpar með erótískan persónuleika," segir í auglýsingu sem rak á fjörur Vísis nýlega. Í henni segist par, sem kveðst vera frá Reykjavík, reiða af hendi erótíska fylgdarþjónustu.

Parið, sem segist heita Martin og Sylvía, segist vilja fara út að borða og eiga í ýmsum ævintýrum með áhugasömum viðskiptavinum á höfuðborgarsvæðinu. Ekki er farið mörgum orðum um hvers konar ævintýri átt er við í auglýsingunni en gefið er í skyn að þau séu flest öll af erótískum toga.

Þó er það tekið fram að fyrir tvær stundir af félagsskap við Sylvíu og Martin séu rukkaðar 45 þúsund krónur.

Martin og Sylvía segjast vera hreinleg, vel menntuð og laus við alla sjúkdóma.

Auglýsingu þeirra má sjá hér