Hryllingspar fjölgar sér

Leikkonan Helena Bonham Carter og leikstjórinn Tim Burton eignuðust litla stúlku síðdegis á laugardag. Þetta er annað barn hjónanna, en þau eiga fyrir fjögurra ára son.

,,Þau eru í skýjunum yfir dótturinni." sagði talsmaður leikkonunnar. ,,Þetta er yndisleg jólagjöf fyrir fjölskylduna."

Parið sérvitra hefur haft í nógu að snúast undanfarið. Þau eru bæði tilnefnd til Golden Globe verðlauna fyrir hlut sinn í hryllingssöngleiknum Sweeny Todd. Hún sem besta leikkonan og hann sem besti leikstjórinn.

Helenda hefur látið hafa það eftir sé að það hafi líklega verið erfitt fyrir barnið að þurfa í móðurkviði að hlusta á mömmu sína æfa sig fyrir hlutverkið. ,,Kannski kemur barnið út með hendur fyrir eyrum. ,,Þegiðu!"" grínaðist Helena við People tímaritið þegar hún upplýsti um óléttuna í ágúst.