Aðdáendur Spice Girls fúlir

Stúlknasveitin Spice Girls heldur sína fyrstu tónleika í London í mörg ár nú á sunnudaginn. Stelpurnar hafa byrjað í Bandaríkjunum en nú er komið að Bretlandi.

Sveitin á marga aðdáendur í heimalandinu sem beðið hafa með eftirvæntingu eftir að stelpurnar fjórar færu saman á svið á ný. Nú er sá draumur orðinn að veruleika en ekki eru þó allir eins glaðir.

Miðar á tónleikana seldust upp og segir sagan að flestir þeirra hafi farið í svokallaðri forsölu. Það hafi því verið fyrirtæki og "merkilegir" einstaklingar sem hafi verið látnir ganga fyrir á meðan hörðustu aðdáendurnir fá enga miða.

Heyrst hefur af fúlum skólakrökkum í Bretlandi sem verða að bíða með að sjá stelpurnar, en þær ætla að halda fleiri tónleika í Bretlandi eftir áramót.