Lífið

Borat með sokk í nærbuxunum, ekki Beckham

Sacha Baron Cohen hefur aldrei verið feiminn við að sýna vöxtinn. Eins og sannaðist best á neongrænum sundbol sem alter-egóið hans, Borat, gekk mikið í.

Cohen leikur á móti Johnny Depp í nýjustu mynd Tims Burtons, Sweeney Todd. Signor Adolfo Pirelli, persóna Cohens í myndinni er áberandi vel vaxinn niður. Colleen Atwood, búningahönnuðurinn í myndinni viðurkenndi við Eonline að eiga þátt í pakkanum myndarlega.

,,Jújú, við bættum aðeins í." sagði Atwood, sem er tvöfaldur Óskarsverðlaunahafi, hlæjandi, og bætti því við að það hefði verið hugmynd Cohens. ,,Við reyndum mismunandi efni, stærðir og staðsetningar." sagði Atwood. ,,Ég er mjög upp með mér ef fólk heldur að þetta sé ekta."

Cohen er ekki kannski ekki einn um að ýkja vöxtinn. Miklar vangaveltur hafa spunnist um nýja auglýsingarherferð frá Armani þar sem kúla á nærbuxum sem David Beckham er í einum fata þykir með afbrigðum myndarleg. Hafa hinir ýmsu fjölmiðlar fengið sérfræðinga með sér í lið til að geta sér til um uppruna kúlunnar góðu, en aðstandendur herferðarinnar segja innihald nærbuxnanna hundrað prósent náttúrulegt.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.