Eiríkur fær ananas í jólamatinn

,,Ég fékk konuna í afmælisgjöf." segir Eiríkur Jónsson blaðamaður, sem giftist sinni heittelskuðu, Petrínu Sæunni Úlfarsdóttur þann 21. ágúst síðastliðinn. Þau fara á mánudaginn til Karabíska hafsins í brúðkaupsferð.

Hjónin eyða jólunum í rómantískum pálmakofa á strönd í Dóminíska lýðveldinu. Eiríkur segist ekki hafa komið þangað áður, en litist vel á staðsetninguna.

Hann segist ekki ætla að taka með sér hangikjöt í jólamatinn. ,,Ég er eiginlega að fara til að losna við jólin og hangikjötið." sagði Eiríkur, sem segist líklega munu borða ananas á aðfangadag.