Britney skrópar

Britney Spears mætti ekki fyrir rétt í gær þegar hún átti að bera vitni í forræðismáli hennar og Kevins Federline. Í þetta sinn bar hún við veikindum, og sagðist vera of kvíðin til að mæta.

Vinur söngkonunnar sagði við slúðurdálk MSNBC að þetta verði ekki í síðasta sinn sem Britney kemur sér hjá því að bera vitni. ,,Henni finnst alveg eðlilegt að gera þetta svona. Henni leið illa, en fyrst og fremst finnst henni hún ekki þurfa að gera eitthvað bara vegna þess að henni er sagt að gera það." sagði vinurinn.

,,Britney myndi gera hvað sem er fyrir börnin." sagði fyrrverandi starfsmaður söngkonunnar. ,,Hún virðist ekki átta sig á því að hún gæti misst þau."

Þetta er ekki í fyrsta sinn sem Britney kemur sér frá fyrirskipunum réttarins. Lögfræðingur K-Fed, kvartaði í síðasta mánuði undan því að hún hefði ítrekað komið sér hjá því að mæta í lyfjapróf.