Kiefer Sutherland að drukkna í aðdáendabréfum í fangelsinu

Þó Kiefer Sutherland hafi einungis fengið að taka tvær bækur með sér þegar hann hóf 48 daga fangavist sína, ætti hann að hafa nóg að lesa. ,,Hann er búinn að fá haug af pósti." sagði talsmaður Glendale fangelsisins við fjölmiðla. ,,lágmark hundrað bréf á dag."

Sutherland, sem situr inni fyrir ölvunarakstur og brot á skilorði hefur aðeins fengið einn gest í fangelsið hingað til - lögfræðinginn sinn. Það breytist vonandi eitthvað, því leikarinn mun sitja inni á afmælisdaginn sinn, og yfir jól og áramót.