Pete Doherty kaupir dópið ekki af réttu fólki

Pete Doherty lenti illa í því á sunnudaginn. Æstur eiturlyfjasali réðst á hann á hverfispöbbnum fyrir það að versla ekki á réttu stöðunum. ,,Þú átt að kaupa dópið þitt hjá mér." orgaði eiturlyfjasalinn áður en hann kýldi Doherty niður.

Skelkaðir kráargestir fylgdust með því þegar hávaxinn og þéttur eiturlyfjasalinn barði Pete þangað til hann lá á gólfi kráarinnar. ,,Þetta var hræðilegt, Pete var greinilega mjög brugðið" sagði einn gestanna við Sun dagblaðið.

Lögregla í Bretlandi rannsakar málið. Plötufyrirtæki Doherty staðfesti að ráðist hefði verið á Pete, en neitaði því að atvikið hefði tengst eiturlyfjum.