Janice Dickinson ósátt við nærfataskoðun og ærumeiðingar

,,Ofurmódelið" Janice Dickinson réðst harkalega gegn Harvey Levin, forsvarsmanni slúðursíðunnar TMZ, á dögunum. ,,Harvey Levin er sú manngerð sem er með haug af ljósmyndurum á sínum snærum hlaupandi um suður Kaliforníu troðandi myndavélum inn í bíla að reyna að ná myndum af fólki án nærbuxna og sýna fólk í sem allra neikvæðustu ljósi. Ég myndi vilja hitta hann augliti til auglitis. Hann er með taktlausan, ósmekklegan þátt um neikvæðustu atriðin í lífi fólks. Ég kann ekki vel við þennan gaur. Hann er ljótur." sagði Janice. þegar hún var spurð út í slúðurmangarann.

Janice talar af reynslu, en óheppilegt myndband birtist af henni á TMZ þar sem hún slagaði ofurölvi inn í bíl sinn fyrir utan frægan næturklúbb í Hollywood og hreytti ónotum í nærstadda.