Britney hótar að leka nýju kynlífsmyndbandi með Paris Hilton

Illindi stigmagnast nú milli vinkvennanna Britney Spears og Paris Hilton. Þau hófust í afmælisveislu Britney, þegar Paris gekk beint fram hjá poppprinsessunni án þess að kasta á hana kveðju. Þetta fór illa í Britney, og þurftu öryggisverðir að skakka leikinn þegar dívurnar tvær gerðu sig líklegar til að fara að slást.

Britney hefur nú sett Paris stólinn fyrir dyrnar. Hún skuli hegða sé almennilega, að öðrum kosti fari illa.

Söngkonan og vinir hennar sendu Paris bréf þar sem þau sögðust vita af kynlífsmyndbandi af svipaðri sort og ,,One Night in Paris" myndbandinu sem Paris varð fyrst fræg fyrir. Myndbandið ku sýna Paris í samkvæmi í heitu kossaflensi með einum af kvenkyns vinum Britney.

Sendingunni fylgdu þær upplýsingar að hætti Paris ekki að vera dónaleg við fólk myndi kossflensið rata beinustu leið á netið.