Peter Andre vildi giftast Boy George

Peter Andre var skotinn í Boy George þegar hann var lítill, en hann hélt reyndar að popparinn væri kvenkyns. Andre sagði í viðtali við The Sun að í fyrsta sinn sem hann sá popparann sminkaða í sjónvarpinu árið 1983 hefði hann hrópað upp ,,Vá, hún er flott." Söngvarinn var miður sín þegar hann komst að hinu sanna um George, ,,Ég hélt ég myndi giftast þessari konu." sagði Andre. Honum hefur þó vegnað ágætlega í kvennamálum síðan, en hann er giftur hinni brjóstgóðu Jordan.