Nylon gefur Blátt áfram allan ágóða af nýrri plötu sinni

Á morgun þriðjudaginn 4. desember kemur í verslanir ný plata með Nylon flokknum. Platan er 17 laga safnplata og inniheldur öll þau lög sem flokkurinn hefur komið í spilun í útvarpi á síðustu þremur árum og náð hafa almennri hilli. Í haust tóku stelpurnar upp tvo lög sem verða einu tvo nýju lögin á safnplötuni sem væntanleg en lögin Holiday og Britney.

Nylon hefur látið lítið fyrir sér fara á þessu ári en hafa þó sent frá sér tvo lög. Lagið Holiday í upphafi árs sem fór í fyrsta sæti yfir mest spiluðu lög í íslensku útvarpi. Síðan var það stórs smellurinn Britney sem fór einnig í fyrsta sæti Lagalistans núna í haust en það lag var hugarfóstur Sniglabandsins en engu að síður sungið af Nylon. Bæði lögin eru á fyrirhugaðri safnplötu.

Þær Alma, Steinunn og Klara hafa ákveðið að að allar tekjur sem þær munu hafa sölu þessarar plötu mun renna til styrktar Blátt Áfram.

Blátt Áfram eru sjálfstæð félagasamtök og er tilgangur samtakanna að efla forvarnir gegn kynferðislegu ofbeldi á börnum á Íslandi. "Við höfum mikið álit á þessu félagi. Það hefur rofið þögnina um kynferðislegt ofbeldi gegn börnum á Íslandi og okkur langar að styðja við það góða starf sem þarna fer fram" sagði Steinunn Camilla Sigurðardóttir um tilurð þessarar ákvörðunar. Loka uppgjör vegna hljómplötuútgáfu síðasta hluta hvers árs liggur yfirleitt fyrir í kringum lok febrúar og þá munu stúlkurnar afhenda Blátt Áfram ágóðann.

"Blátt áfram metur það mikils að fá þennan stuðning frá Nylon stúlkunum. Með þessu er Nylon að segja samfélaginu að ofbeldið eigi ekki að líðast og saman getur samfélagið komið í veg fyrir ofbeldið. Með fræðslu og forvörnum hefur Blátt áfram tekist að auka vitund fólks um kynferðislegt ofbeldi og hvernig börn séu frædd um mörk og samskipti og hvert þau geti leitað ef þau verði fyrir ofbeldinu. Þetta væri ekki hægt nema með styrk eins og þessum." sagði Sigríður Björnsdóttir hjá Blátt Áfram þegar stúlkurnar tilkynnti félaginu áform sín.

Platan er ein sú allra síðasta til að mæta til leiks í jólaplötuflóðinu en vinnsla á nýju lögunum tók lengri tíma en áætlað var.

Það eru þær Alma Guðmundsdóttir, Steinunn Þóra Camilla Sigurðardóttir og Klara Ósk Elíasdóttir sem skipa Nylon flokkinn í dag. En Emilía Björk Óskarsdóttir yfirgaf flokkinn í sumar. Steinunn, Klara og Alma hafa verið í upptökum og æfingum frá því í sumar og verið undirbúa frekari landvinninga erlendis. Lengi stóð til að leita að nýjum fjórða meðlim í stað Emilíu en eftir að stúlkurnar komu fram á Stórtónleikum Kaupþings í sumar var ákveðið að Nylon yrði í framtíðinni tríó.

Þessi tvo nýju lög á plötunni eru liður í frekari sókn erlendis. Þau eru tekinn upp af Þorvaldi Bjarna Þorvaldssyni og Vigni Snæ Vigfússyni en höfundar beggja laganna eru erlendir. Ennþá er óákveðið hvaða lag kemur næst út í Bretlandi en Holiday, Superstar og Shut up sem öll voru tekinn upp á þessu ári þykja líklegust.