Helena Christensen úr fötunum fyrir Playboy

Súpermódelið danska, Helena Christensen, íhugar nú að fækka fötum fyrir frönsku útgáfu Playboy tímaritsins.

Hugh Hefner hefur ítrekað reynt að sannfæra stúlkuna um að sitja fyrir í bandarísku útgáfu blaðsins, en án árangurs.

,,Ég hef fleiri sinnum verið beðin um að sitja fyrir í amerísku útgáfunni, en alltaf sagt nei. Myndirnar í blaðinu eru einfaldlega ekki minn stíll. Franska útgáfan er hins eitthvað allt annað. Þeir taka fallegar myndir í svipuðum stíl og Vogue og Purple Magazine." sagði Helena í samtali við Extra blaðið.

Hún sagði við blaðið að hún ætti ekki í neinum vandræðum með að sýna líkama sinn. Það vildi hún þó einungis gera ef ljósmyndarinn væri góður og myndirnar smekklegar.