Lífið

Leyndarmálið bak við lögulegan afturenda Beyoncé

Beyonce flaggar nærunum á tónleikum sínum í Shanghai í gær
Beyonce flaggar nærunum á tónleikum sínum í Shanghai í gær
Beyoncé Knowles lumar á leynivopni í baráttunni við að halda rassinum stinnum og vel löguðum. Söngkonan, sem er næstum jafn þekkt fyrir lögulegan afturenda og sönghæfileika, gengur í ömmunærbuxum til að halda botnstykkinu í skefjum. Líklega er þetta ekki staðreynd sem hún ætlaði sér að auglýsa, en komst ekki hjá því í æsilegri dansrútínu á tónleikum sínum í Shanghai í vikunni.

Í miðjum snúningi þeyttist pils söngkonunnar upp á mitti, og við blöstu nærur sem Bridget Jones hefði verið stolt af.

Söngkonan hefur oft talað um að hún eigi í vandræðum með kílóin, en hún segist of hrifin af kjúklingabitum og gotteríi. Á síðasta ári léttist hún um tíu kíló fyrir hlutverk sitt í Dreamgirls með því að neyta einungis vökva. Þegar búið var að mynda Dreamgirls sagði hún þó að fátt hefði verið skemmtilegra heldur en að næla sér í kílóin aftur, en það gerði hún með því að borða ótæpilega af kleinuhringjum og fíneríi. ,,Ég er orðin að sjálfri mér aftur. Ég er mér meðvituð um að ég er mjúk kona, og ég er stolt af því" sagði dívan.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.