Existaforstjóri keypti styrktarmálverk fyrir 2,5 milljónir

Erlendur Hjaltason, annar forstjóri Exista, keypti málverk eftir Hrafnkel Sigurðsson á styrktarkvöldi Krabbameinsfélags Íslands um síðustu helgi. Erlendur greiddi 2,5 milljónir fyrir verkið sem Hrafnkell málaði á staðnum.

Erlendur vildi í samtali við Vísi lítið tjá sig um málverkakaup sín og sagði það ekki vera venju að fólk talaði um þegar það væri að styrkja gott málefni eins og í þessu tifelli.

Verkið sem Erlendur keypti er olía á pappír og er stærð þess 163 x 112 cm. Samkvæmt Hildigunni Birgisdóttur frá galleríinu I8 er það metið á 370 þúsund krónur.