Ljóta Betty hneyksluð

America Ferrera sem leikur Ljótu Betty í samnefndum sjónvarpsþáttum hefur sagt að hún sé yfir sig hneyksluð á því að Hollywoodleikkonum sé lýst sem íturvöxnum, þegar þær séu það alls ekki. Hún segir að alltof mikla áherslu lagða á útlit fólks.

„Mér finnst það kostulegt þegar fólk kallar vaxtarlag Jessicu Ölbu eða Evu Longoriu íturvaxið. Þær eru ekki íturvaxnar, ég er íturvaxin, " sagði leikkonan í viðtali við Female First.

Ferrera hefur einnig sterkar skoðanir á litlum fatastærðum og spyr hvort það sé eðlilegt að vera í fatastærð núll. „Að svelta sig er alls ekki fallegt."

Sem betur hefur Ferrera ekki þörf fyrir að falla inn í staðalímynd Hollywood. Og hún telur sig afar heppna; „Að leika Betty hefur styrkt mig í að vera nákvæmlega sú sem ég er og að breytast ekki."