Réðst á sambýliskonu sína og fær skilorð í tvo mánuði

Karlmaður var í dag dæmdur í tveggja mánaða skilorðsbundið fangelsi fyrir að ráðast á sambýliskonu sína þann 14. nóvember síðastliðinn. Hann réðst á konuna á þáverandi heimili þeirra. Hann tók konuna kverkataki og henti henni í gólfið svo hún marðist og tognaði á hálsi, baki og yfir bringspölum. Ákærði játaði brot sitt.

Í rökstuðningi dómsins segir meðal annars: „Fram er komið að ákærði braut með refsiverðri háttsemi gegn sambýliskonu sinni á sameiginlegu heimili þeirra. Það er mat dómsins að þessar aðstæður hafi aukið á grófleika brots ákærða enda verður að telja að svo nákominn aðili sem sambýliskona er, hafi síður mátt eiga von á slíkri árás frá ákærða.Það er mat dómsins að þessar aðstæður hafi aukið á grófleika brots ákærða enda verður að telja að svo nákominn aðili sem sambýliskona er, hafi síður mátt eiga von á slíkri árás frá ákærða".

Tekið var tillit til þess að maðurinn hefur ekki áður gerst brotlegur við lög.