Lífið

The Klaxons höfðu betur en Winehouse

Sigurvegararnir
Sigurvegararnir MYND/Getty

Breska rokkhljómsveitin The Klaxons hlaut Mercury verðlaunin í gær fyrir bestu plötu ársins. Strákahljómsveitin hafði þar með betur en aðalkeppinauturinn Amy Winehouse. Söngvari hljómsveitarinnar, Jamie Reynolds, sagði The Klaxons hafa átt skilið að vinna þar sem þeirra plata, Myths of the Near Future, hafi verið sú framsæknasta á árinu. Hann sagði Amy þó vera með bestu söngkonum Bretlands og að keppnin hafi verið hörð.

Amy tók sig vel út þrátt fyrir alltMYND/Getty

Amy kom öllum á óvart og tróð upp á hátíðinni sem haldin var á Grosvenor House Hotel í London. Hún söng órafmagnaða útgáfu af lagi sínu Love Is A Losing Game og mátti heyra saumnál detta í salnum á meðan. Gestir voru svo hrifnir af flutningnum að þeir stóðu upp og klöppuðu á eftir. Bóndi hennar Blake Fielder-Civil kom síðan upp á svið, kyssti konu sína og leiddi hana að borði þar sem faðir hennar, Mitch Winehouse, sat. "Ég er svo stoltur af henni," sagði Mitch eftir hátíðina. "Hún stóð sig virkilega vel og hún lítur vel út."

Amy seilist í kampavíniðMYND/Getty

Amy kom heim til Bretlands á mánudaginn síðastliðinn eftir frí á St. Lúsíu. Faðir hennar hefur fylgst með henni 24 tíma sólarhringsins síðan. Hann fór síðan með hana til læknis í gærmorgun.

Blake situr hér við hliðina á tengdaföður sínum. Ljóst er á þessum myndum að hann og Amy hafa ekki lokið neinni meðferðMYND/Getty
Þetta er í fyrsta skipti sem söngkonan kemur opinberlega fram síðan hún var lögð inn vegna ofneyslu fyrir nokkrum vikum.



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.