Jennifer Love Hewitt er ekki feit

Jennifer Love Hewitt svaraði um helgina fyrir sig, eftir að slúðurpressan vestanhafs gagnrýndi leikkonuna smávöxnu fyrir skvap og appelsínuhúð.

,,Ég elska líkama minn, eins og allar komur ættu að gera." sagði Hewitt á blogginu sínu eftir að myndir birtust af henni í bikiníi í fríi á Havaí. ,,Ég veit hvernig ég lít út, og það gera vinir mínir og fjölskylda líka."

Stjarnan segist hafa beðið lengi með það að tjá sig um hvernig líkamar kvenna eru stöðugt undir smásjánni. ,,Til að hafa hlutina á hreinu, þá er ég ekki fúl fyrir mína hönd, heldur allra stelpnanna þarna úti sem eiga í vandræðum með sjálfsímynd sína." sagði Hewitt.

,,Stærð 32 er ekki feitt! Og verður það aldrei. Stærð 0 gerir þig ekki fallega. ,,Til allra stelpna með rassa, brjóst, mjaðmir og mitti; farið í bikini og verið stoltar." sagði leikkonan.