Óvæntir tónleikar Þursaflokksins duttu upp fyrir

Minnstu munaði að þursaflokkurinn kæmi saman á Sportbarnum á fimmtudaginn, tveimur mánuðum fyrir langþráða opinbera endurkomu sína.

,,Jújú, tónleikeikunum sem enginn mátti vita af hefur verið frestað" sagði Tómas M. Tómasson bassaleikari Þursaflokksins. Flokkurinn kemur saman á stórtóleikum í Laugardalshöllinni í febrúar. Að sögn Tómasar stóð til að halda tónleika á fimmtudaginn, til að æfa sig fyrir framan áhorfendur, en sökum anna þurfti að fresta því. Tómas segist þó reikna með því að reynt verði að halda upphitunartónleikana í janúar, en óvíst er hvar þeir verða haldnir.

Búast má við að einvherjir aðdáendur verði svekktir við tilhugsunina um að missa af tónleikum sem þeir vissu ekki af. Sportbarnum verðu þó ekki lokað þetta kvöld frekar en önnur, en í stað Þursaflokksins spilar Gæðablóð, sveit Tómasar, Magnúsar Einarssonar og Kormáks Bragasonar. Tónleikarnir verða nokkurskonar kveðjutónleikar, en um helgina skiptir Sportbarinn um eigendur.